सोलुखुम्बु । सोलुखुम्बुको खुम्बु पासाङ ल्हामु गाउँपालिका १ थामडाँडामा सडक खन्ने क्रममा आएको पहिरोमा पुरिएर एक कामदार गम्भीर घाईते भएका छन् ।
Advertisement
घाईते हुनेमा ओखलढुंगाको खिजिफलाटेका २४ वर्षीय पेम्बा नुरी शेर्पा रहेको वडाध्यक्ष फुनुरु शेर्पाले जानकारी दिए । उनका अनुसार थामडाँडा हुँदै लुक्ला जोड्ने सडक खन्ने क्रममा माथिबाट आएको पहिरोले पुरिदा पेम्बा नुरीको दाहिने खुट्टा नै चुँडिएको छ भने शरिरको अन्य भागमा पनि चोट लागेको छ ।
Advertisement
उनको स्थानीय स्वास्थ्य संस्थामा उपचार हुन नसकेपछि वडाध्यक्ष फुनुरु शेर्पाले सिम्रिक एयरको हेलिकप्टर मार्फत उद्धार गरी काठमाण्डौँ पठाएका छन् ।
Advertisement
थामडाँडा हुँदै गाउँपालिका केन्द्र लुक्ला जोड्ने सडक खन्ने क्रममा विस्फोटक पदार्थ पड्काएर काम गर्दै गर्दा घटना भएको प्रत्यक्षदर्शीले बताएका छन् ।
