खिजिदेम्बाका ६६ स्वास्थ्य स्वयमसेविकाले आधारभुत आँखा उपचार गर्न सक्ने

ओखलढुंगा – खिजीदेम्बा गाउँपालिका भित्रका ६६ महिला स्वास्थ्य स्वयमसेविकाहरुलाई आधारभुत आँखा उपचार तालिम प्रदान गरिएको छ ।

जिल्ला सामुदायिक आँखा केन्द्र ओखलढुंगाको आयोजना तथा खिजीदेम्बा गाउँपालिकाको सहकार्यमा जेठ ८ गते देखि १० गते सम्म ३ चरणमा तालिम प्रदान गरिएको हो ।

समाजमा रहेका आँखा रोगीको पहिचान गरि ग्रामिण आँखा केन्द्र र सामुदायिक आँखा केन्द्रमा रिफर गर्ने, समुदायमा अन्धोपन घटाउने, दृष्टि परीक्षण गर्न र आँखा बिरामीको पहिचान गर्न सक्ने बनाउने, अन्धोपना गराउने आँखा रोगको बारेमा जानकारी गराउने उदेश्यले तालिमको आयेजना गरिएको हो ।