जेठ ८, सोलुखुम्बु । पासाङदावा (पादवा) शेर्पाले २७ औँ पटक सर्वाेच्च शिखर सगरमाथाको आरोहण गरेका छन् । आज सोमवार शेर्पाले २७ औँ पटक सगरमाथाको आरोहण गरेको सर्भेयर खिमलाल गौतमले जानकारी दिए ।
Advertisement
उनी सोलुखुम्बुको खुम्बु पासाङ ल्हामु गाउँपालिका–४ का बासिन्दा हुन् । योसँगै पासाङदावा शेर्पा र कामीरिता शेर्पाको सगरमाथा आरोहण बराबरी भएको छ ।
Advertisement
कामीरिता पनि २७ औँ पटक सगरमाथा पुगिसकेका छन् । पासाङदावा शेर्पाले यही सिजनमा दोस्रो पटक सगरमाथा आरोहण गरेका छन् ।
Advertisement
अब कामीरिताले २८ औँ पटकको आरोहणका लागि तयारी थालेको र मौसमले साथ दिएमा भोलि मङ्गलवार नै आरोहण थाल्ने गौतमले बताए ।
