सोलुखुम्बु । चट्याङका कारण सल्लेरी च्याल्सा विद्युत कम्पनीको दर्जनौ विद्युत उपकरणमा क्षति पु¥याएको छ । शुक्रबार वर्षातसहित परेको चट्याङका कारण ठाउँ ठाउँको ट्रान्सफरमर लगायतका उपकरणहरुमा क्षति पुर्याएको कम्पनीले जनाएको छ ।
चट्याङका कारण गार्मा, खोरिया, भित्ताखर्क, सल्लेरी, फाप्लु, सुर्के, बेनी लगायतका क्षेत्रमा क्षति पुर्याएको कम्पनीका वितिय अधिकृत मेम कुमारी मास्केले जानकारी दिइन् । जसका कारण ठाउँ ठाउँको विद्युत सेवा अवरुद्ध भएको उनको भनाई ।
समस्या पहिचानका लागि विहानैदेखि कम्पनीका प्राविधिकहरु फिल्डमा खटिरहेकाले मर्मतको काम पनि भईरहेको अधिकृत मास्केले बताइन् । सदरमुकाम सल्लेरीसहित आसपासका क्षेत्रका गरी २२ सय भन्दा बढी घरधुरीलाई विद्युत सेवा उपलब्ध गराउँदै कम्पनीले शुक्रबारको चट्याङका कारण ठुलो क्षति बेहोर्नु परेको जनाएको छ ।
कतिपय ट्रान्सफरमर तथा उपकरणहरुमा पानी पसेका कारण पनि बढी क्षति भएको अधिकृत मास्केले बताइन् । हाल कम्पनीले करिब ५०० किलोवाट विद्युत उत्पादन गर्दै आएको छ ।
बेनी हाईड्रोपावरले टनेलमा पानी भर्न थालेसँगै आफुहरुलाई पानीको समेत अपुग हुँदा पर्याप्त विद्युत उत्पादन गर्न नसकेको कम्पनीले जनाएको छ ।
