सोलुखुम्बु । वित्तिय कर्मचारी मञ्च सोलुखुम्बुको अध्यक्षमा खगेन्द्र बन चयन भएका छन । आज मंगलबार सल्लेरीमा सम्पन्न तेश्रो जिल्ला अधिवेशनले बनको अध्यक्षतामा ११ सदस्यीय जिल्ला कार्यसमिति सर्वसम्मत चयन गरेको हो ।
समितिको उपाध्यक्षमा सागर श्रेष्ठ, सचिवमा गोपाल धमला, कोषाध्यक्षमा पुष्पराज श्रेष्ठ, सहसचिवमा प्रेम कुमार राई र प्रवक्तामा दिनेश धमला चयन भए । यस्तै सदस्यहरुमा तारा राई, सत्य नारायण शाह, गुल्फम अन्सारी, सुस्मिता बास्तोला र कुमार गुरुङ चयन भएका छन् ।
नवनिर्वाचित कार्यसमितिको कार्यकाल २ वर्षको हुने छ । वित्तिय कर्मचारीहरुको हकहित तथा समस्या समाधानका लागि स्थापित यस मञ्चले विभिन्न सामाजिक कार्यहरु समेत गर्दै आएको नवनिर्वाचित अध्यक्ष बनले बताए ।
सोलुखुम्बु सदरमुकामसहित आसपासका क्षेत्रमा १२ वटा बैंक, १० वटा इन्स्योरेन्स कम्पनी र ९ वटा लघु वित्त रहेका छन् ।
