सुन सफा गर्ने भन्दै ठगी गर्ने गिरोह प्रहरीको फन्दामा

सोलुखुम्बु । जिल्ला प्रहरी कार्यालय ओखलढुंगाले सुन सफा गर्ने बहानामा ठगी गरेको आरोपमा ३ जनालाई पक्राउ गरेको छ । जिल्लाको मोलुङ गाउँपालिका २ बाट उनीहरुलाई पक्राउ गरेको हो ।

सुनका गरगहना सस्तो मूल्यमा सफा गरिदिने प्रलोभनमा पारेर विभिन्न किसिमका रसायनिक पदार्थहरु प्रयोग गरी गरगहनाको परिमाणमा कम गरी ठगी गरिरहेको सूचना प्राप्त भएपछि पक्राउ गरिएको प्रहरीको भनाई छ ।

पक्राउ पर्नेहरुमा मोरङको विराटनगर महानगरपालिका ११ का ४४ वर्षीय राजेश शाह, भारतको फरबिसगंजका ४४ वर्षीय सुनिल मण्डल र सोही ठेगाना भएका ४३ वर्षीय पारसकुमार दास रहेका छन् ।